Nanavao ny tolotra internet ampiasaina ao an-trano mandeha Wifi ny Orange. Nampahafantarina ny 04 novambra 2024, teny amin’ny Gare Soarano fa tsy misy “engagement” manomboka izao ny Wifiber Go +, Wifiber Discovery ary ny Wifiber Prime. Manana tolotra internet Wifiber Go ihany koa ny orinasa, manomboka amin’ny 49.000 Ariary fa misy “engagement”. 49.000 Ariary ny 100 Go raha manao “abonnement” 24 volana ary 59.000 Ariary raha 12 volana. Ankoatr’izay, nitombo ny “giga” ao anatin’ireo tolotra tsy misy “engagement”: lasa 250 Go ny Wifiber GO + raha 150 Go izany teo aloha, lasa 500 Go ny Wifiber Doscovery raha 300 Go teo aloha ary lasa 900 Go ny Wifiber Prime raha 500 Go izany teo aloha. Azo ampiasaina ao anatin’ny 30 andro ny tolotra Freefiber 50 Go raha 15 andro teo aloha ary nidina ihany koa ny vidiny. “Mba ahafahan’ny daholobe misitraka internet haingam-pandeha sy ireo tolotra nomerika no antony nanatsarana ny tolotra Wifiber. Afaka mampiasa ireo tolotra ireo na aiza na aiza, rehefa misy réseau Orange”, hoy i Frédéric Debord, Tale jeneralin’ny Orange Madagascar. Afaka ho entina mandehandeha ny “box” ary azo ampaisaina na tapaka aza ny jiro satria matanjaka ny batterie ao anatiny.
Ra-Nirina
