Efa nivoaka ny vali-panadinana enim-bolana voalohany ny Ivom-pampianarana fampitan-davitra CNTEMAD. Araka ny fanazavan’ny Tale Nasionaly, Djohary ANDRIANAMBININA fa nahafa-po tokoa vokatra raha ny taham-pahafahana no jerena.
Anterivava : Djohary ANDRIANAMBININA
Etsy ankilany, efa misokatra ny fisoratana anarana ho an’ny taom-pianarana manaraka.
Manampy ny mpianatra tsy hiakatra an-drenivohitra na handeha lavitra ny fampianarana fampitan-davitra. Mampihena ny vola ilaina amin’ny fanohizana ny fianarana ambaratonga ambony ihany koa. Nambaran’ny Tale Nasionaly fa tanjon’ny fitondram-panjakana ny hampanakaiky ny vahoaka ny oniversite. Vao tsy ela akory izay no notokanana ny tendro mampitohy ny CNTEMAD any Betafo Antsirabe, Manjakandriana ary Amparafaravola.
